Lirik Lagu Batak | Parumaen Na Pogos

Cipt: Anton Siallagan

Aha do ale Inang, dia do ale Amang
Umbahen sai sip hamu tu ahu
Ala dung diboto ho boru ni na pogos i
Na laho parumahenmi
Tinodoni rohangki sirokkapni tondiki
Unang be Inang sai ambati

Ditodo roham Inang na laho parumaenmi
Na ingkon boru ni na mora
Molo rokkap do Inang, Tuhan do umbotoi
Ai ndang na boi ala roha
Unang pola marsak ho, unang sai holsolan ho
Ai burju do parumaenmon

Lirik Lagu Batak | Martangan Pudi

Cipt: Serli Napitu

Inang… Inang nauli lagu
Hu boto do Inang arsak ni rohami tu ahu anakonmon
Godang do na husari, tuk do nang gogoku
Alai ndang tardok ahu, parumaenmi Inang martangan pudi

Boha… boha do bahenonku
Ndang na so huhatahon da Inang tu parumaenmi
On ma sikkap mabarbar tubu manang badan
Mabiar ahu Inang sega sude pahompumon

Lirik Lagu Batak | Marmanda-manda

Cipt: Serli Napitu

Unang marsak ho inangni gelengku
Unang tangis ho na uli na lagu
On ma jo masana saonari
Ingkon dao, ingkon dao sian lambungmi

Sipata ahu inang di Pekanbaru
Sipata ahu inang laho tu Bengkulu
Alani karejoku do mambahen
Ingkon marmanda-mandama ulahononku

Lirik Lagu Batak | Marnini Marnono

Cipt: Dakka Hutagalung

Burjumi tu hami gelengmon
Ndang na tarlupahon ahu di ngolukon
Diparmudu-mudu ho
Dihaholongi ho do hami anakonmon

Haduan dung margogo ahu tahe
Balosonku do sude pambahenanmi
Bahenonku ho sonang, bahenonku ho sangap
Damang Dainangi na burju i

Lirik Lagu Batak | Poda Nauli

Cipt: Sakkan Sihombing

Hamu amang, anakkonku, sinuan tunas tampuk ni pusu-pusuki
Bege jo amang hatakon, huhut pahusor-husor di roham
Hata nauli situtu naeng simemehononku tu ho amang
Sipodahononku asa adong bohalmu, anak hasianku

Burjuhon ma anakonku o tondiku na marsikkola i amang
Asa jumpang mu da amang, aka na pinarsinta-sintami
Ai so adong silehononku, hauma manang arta panjaheanmu
Holan marsikkola na boi tarbahen ahu di ho anakonku